ເປີດໃຈປ້າແມ່ຄ້າຕົບເດັກ ຮັບແລ້ວທີ່ທຳໄປເພາະອາລົມຊົ່ວວູບ ກ່າວວ່າຈະບໍ່ຍຸ້ງກ່ຽວອີກແລ້ວ ຖ້າຫາກເຫັນໃຜບໍ່ຢືນເຄົາລົບທຸງຊາດອີກ ພ້ອມຍົກມືໄຫວ້ຂໍໂທດພໍ່ ເຜີຍສາເຫດບໍ່ເຄົາລົບທຸງຊາດ
ເມື່ອເວລາ 12.00 ນ. ວັນທີ່ 28 ຕຸລາ.63 ທີ່ສພ.ພະນະຄອນສີອະຢຸດທະຢາ ຜູ້ສື່ຂ່າວລາຍງານວ່າ ນ.ສ.ປູ ອາຍຸ 45 ປີ ໄດ້ຕົບນັກຮຽນບໍ່ຢືນເຄົາລົບທຸງຊາດ ເຂົ້າມາຂໍໂທດພໍ່ແລະລຸງຂອງນັກຮຽນຜູ້ເສຍຫາຍ ກ່ອນເຂົ້າພົບພ.ຕ.ອ.ປະເວດ ສີນາກ ຜກກ.ສພ.ພະນະຄອນສີອະຢຸດທະຢາ ເພື່ອໂອ້ລົມທຳຄວາມເຂົ້າໃຈກັບພໍ່ແລະລຸງຂອງເດັກນັກຮຽນ
ນ.ສ.ປູ ເປິດເຜີຍວ່າ ເລື່ອງລາວທັ້ງຫມົດທີ່ເກີດຂຶ້ນ ເກີດຈາກພຽງອາລົມຊົ່ວວູບ ເມື່ອເຫັນເດັກນັກຮຽນຄົນດັ່ງກ່າວບໍ່ຢືນເຄົາລົບທຸງຊາດ ຈຶ່ງເຂົ້າໄປສອບຖາມວ່າເປັນຄົນໄທຫລືບໍ່ ເປັນຫຍັງຈຶ່ງບໍ່ເຄົາລົບທຸງຊາດ ແຕ່ກັບຖືກເດັກນັກຮຽນຄົນດັ່ງກ່າວຍ້ອນກັບວ່າເປັນສິດທິສ່ວນບຸກຄົນ ຈົນເຮັດໃຫ້ຕົນໂມໂຫເກີດອາລົມຊົ່ວວູບ ເຂົ້າໄປທຳຮ້າຍຮ່າງກາຍເດັກນັກຮຽນຄົນດັ່ງກ່າວ ຢືນຢັນບໍ່ກ່ຽວຂ້ອງກັບການເມືອງ ຕົນເປັນຄົນທຳມາຫາກິນບໍ່ເຄີຍກ່ຽວຂ້ອງກັບການເມືອງ ພຽງແຕ່ຝັງໃຈວ່າຕັ້ງແຕ່ນ້ອຍຈົນໃຫຍ່ເກີດມາທຸກຄົນກໍ່ຕ້ອງຢືນເຄົາລົບທຸງຊາດ ຊຶ່ງວັນທີ່ເກີດເຫດເດັກຄົນດັ່ງກ່າວບໍ່ໄດ້ຢືນເຄົາລົບທຸງຊາດ ຈຶ່ງເຮັດໃຫ້ຕົນບໍ່ພໍໃຈ ແລະທຸກຄັ້ງທີ່ເຫັນໃຜບໍ່ຢືນເຄົາລົບທຸງຊາດ ຕົນກໍ່ຈະຖາມທຸກຄັ້ງ
ຫລັງຈາກນີ້ຕົນຈະບໍ່ຍຸ້ງກ່ຽວອີກແລ້ວ ຖ້າຫາກວ່າເຫັນໃຜບໍ່ຢືນເຄົາລົບທຸງຊາດອີກ ຈະໄດ້ບໍ່ເກີດເຫດການແບບນີ້ຂຶ້ນອີກ ພ້ອມຍົກມືໄຫວ້ຂໍໂທດ ກັບພໍ່ແລະລຸງຂອງເດັກນັກຮຽນຄົນດັ່ງກ່າວຂໍໃຫ້ອາໄພກັບເລື່ອງລາວທີ່ເກີດຂຶ້ນ ແລະເສຍໃຈກັບເຫດການທີ່ເກີດຂຶ້ນ
ດ້ານລຸງຂອງເດັກນັກຮຽນຜູ້ເສຍຫາຍ ກ່າວວ່າ ຢືນຢັນວ່າຫລານສາວເປັນປະຈຳເດືອນ ຊຶ່ງມີໃບຮັບຮອງແພດຢືນຢັນວ່າເປັນຫຍັງບໍ່ຢືນເຄົາລົບທຸງຊາດ ຢ່າງທີ່ຖືກກ່າວຫາ ຕົນເແລະພໍ່ຂອງເດັກພ້ອມທີ່ຈະໃຫ້ອາໄພ ນ.ສ.ປູ ໂດຍບໍ່ຜູກໃຈເຈັບ ສ່ວນໃນເລື່ອງຂອງຄະດີຄວາມກໍ່ປ່ອຍໃຫ້ເປັນໄປຕາມກົດໝາຍ ພ້ອມຝາກເຕືອນ ນ.ສ.ປູ ຫລືຄົນທີ່ເຂົ້າມາຕິດຕາມຄະດີດັ່ງກ່າວວ່າຢືນຢັນຫລານຕົນບໍ່ເຄີຍຂ້ອງກ່ຽວກັບເລື່ອງການເມືອງ ຫລານເປັນເດັກດີຕັ້ງໃຈຮຽນ ແລະຂໍໃຫ້ທຸກຄົນມີສະຕິໃນການໃຊ້ຊີວິດໃນປັດຈຸບັນ ຊຶ່ງຫາກເຫັນວ່າໃຜເຮັດໃນລັກສະນະນີ້ ເຂົາອາດຈະມີເຫດຜົນສ່ວນຕົວ ຊຶ່ງເຈົ້າກໍ່ບໍ່ມີສິດທີ່ຈະໄປທຳຮ້າຍຮ່າງກາຍຜູ້ອື່ນ
ດ້ານພ.ຕ.ອ.ປະເວດ ເປີດເຜີຍວ່າ ນ.ສ.ປູເປັນແມ່ຄ້າຢູ່ແຖວສະຖານີລົດໄຟ ເຫດການທີ່ເກີດເປັນເວລາ 18.00 ນ. ຂອງວັນທີ່ 27 ຕຸລາ. ນ.ສ.ປູເຫັນເດັກນັກຮຽນຄົນດັ່ງກ່າວບໍ່ຢືນເຄົາລົບທຸງຊາດ ຈຶ່ງຍ່າງເຂົ້າໄປຖາມວ່າເປັນຄົນໄທຫລືບໍ່ ເປັນຄົນໄທແລ້ວເປັນຫຍັງບໍ່ຢືນເຄົາລົບທຸງຊາດ ແລ້ວຄົງໂຕ້ຖຽງກັນ ຈົນເດັກນັກຮຽນຢ້ອນຖາມປຽບທຽບເຖິງບຸບພະກາຣລີຈຶ່ງເປັນຊະນວນເຫດໃຫ້ນ.ສ.ປູຍ່າງເຂົ້າໄປຕົບຫນ້າ ແລະດຶງຜົມນ້ອງເດັກນັກຮຽນ ຊຶ່ງເດັກນັກຮຽນໄດ້ຮັບບາດເຈັບໜ້ອຍໜຶ່ງ ສ່ວນເຈົ້າຫນ້າທີ່ໄດ້ແຈ້ງຂໍ້ຫາ ນ.ສ.ປູ ທຳຮ້າຍຮ່າງກາຍເປັນເຫດໃຫ້ຜຸ້ອື່ນໄດ້ຮັບອັນຕະລາຍແກ່ກາຍ ຕົນຢືນຢັນວ່າບໍ່ກ່ຽວກັບການເມືອງເປັນປົກກະຕິນິໄສຂອງນ.ສ.ປູ ວ່າ 08.00 ນ. ແລະ 18.00 ນ. ທີ່ຕ້ອງຢືນກົງເຄົາລົບທຸງຊາດຫຼາຍກວ່າ