ເລື່ອງນີ້ເໝາະ ແລະ ເປັນອີກໜຶ່ງຫົນທາງ ສຳລັບໃຜທີ່ບໍ່ມັກວຽກທີ່ກຳລັງເຮັດຢູ່ ຫຼື ຢາກລອງປ່ຽນອາຊີບ ທີ່ອາດຈະດີກວ່າ ມີເງິນຫຼາຍກວ່າ ສາມາດໄດ້ໃນສິ່ງທີ່ເຮົາໄດ້ຫຼາຍກວ່າ ແລະ ບໍ່ວ່າໃຜກໍສາມາດເຮັດໄດ້ ບໍ່ວ່າຈະຮຽນຈົບສູງຫຼື ບໍ່ ຫຼື ຮຽນບໍ່ຈົບ ກໍຄືອາຊີບ ຫຼື ສິ່ງທີ່ເຮົາເຮັດໄດ້ດ້ວຍ 2 ມື້ເຮົາເອງນີ້ລະ
ດັ່ງເລື່ອງລາວນີ້ທີ່ໄດ້ເຜີຍແຜ່ຊີວິດຂອງຄົນໆໜຶ່ງ ທີ່ເຄີຍເປັນຄູ ແຕ່ຕັດສິນໃຈລາອອກ ເພາະເງິນເດືອນທີ່ໄດ້ບໍ່ພໍກັບຄ່າໃຊ້ຈ່າຍ ແລະ ບໍ່ມີເງິນເກັບ ຈຶ່ງຕັດສິນໃຈລາອອກ ມາເຮັດອາຊີບຄ້າຂາຍ
ເລື່ອງນີ້ເປັນຂອງປະເທດເພື່ອນບ້ານປະເທດໄທ ທີ່ອາດີດຄູ ຕັດສິນໃຈລາອອກມາຂັບລົດພວງ ຫຼື ຊາເລັງ ຂາຍ ຕຳໝາກຮຸ່ງ ປີ້ງໄກ່ ເລາະໄປຕາມທາງ ເພິ່ນຢູ່ຈັງຫວັດ ຮ້ອຍເອັດ ຈົບປະລິນຍາຕີ ແຕ່ງດອງ ມີລູກ 4 ຄົນ ແຕ່ສາມີເກີດອຸປະຕິເຫດ ເສຍຊີວິດ ຈຶ່ງໄດ້ຫາເງິນລ້ຽງລູກລຳພັງ
ແຕ່ກ່ອນເປັນຄູ ເງິນເດືອນກໍໜ້ອຍແນ່ ບໍ່ພໍໃຊ້ຈ່າຍ ຈຶ່ງອອກມາຄ້າຂາຍ ອາໄສໄດ້ກິນ ແລະ ຂາຍໄປນຳ ມີ ຕຳໝາກຮູ່ງ ປີ້ງໄກ່ ກຳໄລມື້ລະ 2,5OO – 3,5OO ບາດ ວ້າວຫຼາຍຢູ່ໃດເນາະ
ລາວເວົ້າອີກວ່າ ກຳໄລຈາກການຂາຍນີ້ ສາມາດເຮັດໃຫ້ລາວເກັບທ້ອນຊື້ເຮືອນໄດ້ຫຼັງລະ 2.5 ລ້ານບາດ ທີ່ສະລະບູລີ ຊື້ລົດ 7 ແສນ ໄວ້ໃຫ້ລູກໆ ແລະ ຊື້ນາ 10 ກວ່າໄຮ່ ໄດ້ເຂົ້າປີລະ 40-50 ໂຕນ
ເຫັນແບບນີ້ແລ້ວອຶ້ງເລີຍແມ່ນບໍ່ທຸກຄົນ ນອກຈາກນັ້ນເອື້ອຍຄົນນີ້ເວົ້າອີກວ່າ ກໍຢາກກັບໄປນຸ່ງຊຸດງາມໆ ແຕ່ງໂຕດີໆເປັນຂ້າລາດຊະການອີກຢູ່ ແຕ່ຄິດໄປຄິດມາແລ້ວ ພຽງມີຢູ່ມີກິນກໍມີກຽດ ແລະ ພໍໃຈແລ້ວ ທີ່ສາມາດລ້ຽງລູກ ມີທຸກຢ່າງໃຫ້ລູກໄດ້