iLaoder

• Facebook
• Twitter
• Line

ກໍລະນີມີຄລິບຫຼຸດທີ່ 3434 STATION ຫາກໍ່ເປີດຮ້ານໄດ້ມື້ດຽວໃນວັນທີ່ 25/11/2020 ທີ່ຜ່ານມາ

ລ່າສຸດທາງເຈົ້າຂອງຄລິບ ໄດ້ອອກມາຂໍໂທດສັງຄົມ ເຮັດໄປດ້ວຍຮູ້ເທົ່າບໍ່ເຖິງການ , ທາງຮ້ານ 34-station ແລະ ກະຊວງວັດທະນະທຳໄດ້ເອີ້ນໄປຕັກເຕືອນ ເຊີ່ງທາງນ້ອງຍອມຮັບວ່າໄດ້ເຮັດຜິດແທ້ຂໍໂທດແມ່ຄ້າຊາວຂາຍ ຂໍໃຫ້ສັງຄົມໃຫ້ອະໄພ

ອີງຕາມໜັງສືແຈ້ງການຂອງ ຫ້ອງວ່າການ ເມືອງໄຊເສດຖາ ເລື່ອງ: ໃຫ້ໂຈະການບໍລິການຮ້ານອາຫານ ສະຖານີ 3434 ຊົ່ວຄາວ. ອີງຕາມ ໜັງສືສະເໜີຂອງຮ້ານອາຫານ ສະຖານີ 3434 ສະບັບລົງວັນທີ 20/11/2020. ກ່ຽວກັບສະເໜີຂໍເປີດບໍລິການ ຮ້ານອາຫານ ສະຖານີ 3434.

ອີງຕາມ ໃບອະນຸຍາດ ສະບັບເລກທີ 004/ຖວທ, ລົງວັນທີ15/01/2019. ອິງຕາມ ການຄົ້ນຄວ້າ ແລະ ຕົກລົງເຫັນດີຂອງກອງປະຊຸມຄະນະປະຈຳພັກເມືອງໄຊເສດຖາ ຄັ້ງວັນທີ 25/11/2020. ຫ້ອງວ່າການເມືອງໄຊເສດຖາ ຂໍຖືເປັນກຽດແຈ້ງຜົນຂອງກອງປະຊຸມຄະນະປະຈຳພັກ ເມືອງໄຊເສດຖາ ມາຍັງຮ້ານອາຫານ ສະຖານີ 3434 ຊາບດັ່ງນີ້:

ເນື່ອງຈາກໄລຍະນີ້ ເປັນໄລຍະກະກຽມໃຫ້ແກ່ການດໍາເນີນກອງປະຊຸມໃຫຍ່ຄັ້ງທີ XI ຂອງພັກ, ການກະກຽມສະເຫຼີມສະຫຼອງວັນ ສໍາຄັນຂອງພັກຂອງຊາດໃຫ້ມີຄວາມສະຫງົບ ເປັນລະບຽບຮຽບຮ້ອຍ, ພ້ອມນີ້ສະພາບການແຜ່ລະບາດຂອງພະຍາດ coVID-19 ນັບມື້ຍັງເພີ່ມຂື້ນ, ສະນັ້ນເພື່ອເປັນການຮັກສາຄວາມສະຫງົບ,ຄວາມເປັນລະບຽບຮຽບຮ້ອຍ

ແລະ ເພີ່ມທະວີການປ້ອງກັນ ແລະ ການແຜ່ລະບາດຂອງພະຍາດ ໂຄວິດ-19 ນັ້ນ ເຫັນຄວນໃຫ້ໂຈະການ ບໍລິການ ຊົ່ວຄາວເສຍກ່ອນຫ້າມບໍ່ໃຫ້ເປີດເພງຮ້ອງ, ຂັບລຳໃສ່ ຊີດີ (CD) ຜ່ານເຄື່ອງຂະຫຍາຍສຽງ ໂດຍບໍ່ໄດ້ຮັບອະນຸຍາດຈາກພາກສວ່ນທີ່ກ່ຽວຂ້ອງ ໃຫ້ລໍຖ້າຜົນຂອງການຄົ້ນຄວ້າຂອງຄະນະຮັບຜິດຊອບຂັ້ນເມືອງເສຍກ່ອນ ແລ້ວຈຶ່ງດໍາເນີນເປີດບໍລິການເປັນປົກກະຕິ.