ອລັນ ທັມ ເປີດໃຈຊີວິດມີ2ເມຍ – ເຊົາ ໄຊນາ ມອດນິງ ໂພສລາຍງານອັບເດດຊີວິດຂອງ ອລັນ ທັມ ນັກຮ້ອງລຸ່ນອາວຸໂສຂອງຮ່ອງກົງ ຜູ້ເຄີຍຄອງຕ່ຳແຫນ່ງລາຊາເພງປອບຍຸກ 70-90 ເປີດໃຈໃນອາຍຸ 71 ປີ ເຖິງການມີພັນລະຍາສອງຄົນໃນຊີວິດ ວ່າເປັນເລື່ອງບໍ່ດີເລີຍ ເພາະທຳຮ້າຍຈິດໃຈຜູ້ຍີງທັ້ງສອງຄົນ
ນັກຮ້ອງລະດັບຊຸບຕາແລະຜູ້ອຳນວຍການສ້າງພາບພະຍົນ ເປີດໃຈກັບລາຍການວິທະຍຸຮ່ອງກົງ “ແອບປີ ເດລີ” ວ່າຫລັງຈາກແຕ່ງງານກັບ ແຊນລີ່ ຫຍາງ ກໍ່ຍັງຄົບກັບສາວອີກຄົນ ເວນດີ ຊູ ຄືພັນລະຍາຄົນທີ່ 2 ເພາະຢາກມີລູກ ຈົນໄດ້ມີສົມໃຈ
ອລັນ ທັມ ກ່າວວ່າ ການມີພັນລະຍາ 2 ຄົນບໍ່ແມ່ນເລື່ອງດີ ຢາກເວົ້າອອກມາເພາະຫວັງວ່າແຟນຄລັບຈະບໍ່ໄດ້ເອົາເປັນແບບຢ່າງ
ຂ້ອຍເຮັດໃຫ້ຜູ້ຍິງທັ້ງ 2 ຄົນເປັນທຸກແລະຫວັງວ່າຄົງຈະບໍ່ມີໃຜເຮັດແບບຂ້ອຍ” ນັກຮ້ອງດັງກ່າວວ່າເປັນຄົນຮັກຜູ້ຍິງທັ້ງສອງຄົນ ບໍ່ຍອມໃຫ້ໃຜຈາກໄປ ເພາະຮູ້ສຶກດີກັບຜູ້ຍິງທັ້ງຄູ່
ອລັນ ທັມຍັງໄດ້ສົມລົດຢ່າງຖືກຕ້ອງຕາມກົດຫມາຍກັບແຊນລີ ຫຍາງ ແມ້ວ່າແຍກກັນຢູ່ມາຫລາຍປີແລ້ວກໍ່ຕາມ
ນັກຮ້ອງຍອດນິຍົມແຕ່ງງານກັບແຊນລີ ຫຍາງ ໃນປີ 2524 ຊຶ່ງນັກຮ້ອງຊາຍກ່າວວ່າ ເປັນ “ຮັກແລກພົບ” ແຕ່ປິດເລື່ອງແຕ່ງງານເປັນຄວາມລັບເພາະຍຸກນັ້ນ ດາລານັກຮ້ອງຕ່າງບໍ່ເປີດເຜີຍວ່າມີພັນລະຍາ ເພາະຢ້ານວ່າຈະກະທົບກັບອາຊີບໃນວົງການບັນເທິງ
ແຕ່ເລື່ອງບໍ່ໂສດຂອງນັກຮ້ອງຄົນດັງເປີດເຜີຍອອກມາເມື່ອພໍ່ຂອງແຊນລີ ຫຍາງ ເສຍຊີວິດໃນປີ 2536 ອລັນ ທັມອຢູ່ໃນບັນຊີລາຍຊື່ເອກກະສານລາດຊະການວ່າເປັນ “ລູກເຂີຍ”
ຊ່ວງເວລາດຽວກັນນີ້ ອລັນ ທັມສ້າງໂລກອີກໃບໃຫ້ກັບ ເວນດີ ຊູ ຜູ້ຍິງອີກຄົນທີ່ພົບກັນຄັ້ງແລກໃນປີ 2534 ໂດຍຝ່າຍຍິງເປັນຄົນທີ່ຄອຍສະໜັບສະໜູນໃຫ້ກຳລັງໃຈແລະເຂົ້າໃຈຕົນ ອີກທັ້ງຍັງມີລູກໃຫ້ ໃນປີ 2539 ເປັນລູກຊາຍຄົນດຽວຂອງທັມ ຊື່ ອາວເວິດ ທັມ ອຸ່ຍເຟິງ
ຄວາມລັບຂອງທັ້ງຄູ່ແຕກເມື່ອພໍ່ຂອງ ອລັນ ທັມເສຍຊີວິດໃນປີ 2549 ຈາກນັ້ນ ທັມຈຶ່ງຕ້ອງສາລະພາບກັບພັນລະຍາວ່າຄົບຊ້ອນ
ປີ 2558 ແຊນລີ່ ຫຍາງ ຍ້າຍໄປຍັງສະຖານປະຕິບັດທຳແມ່ຊີໃນເກົາລູນ ຊຶ່ງແຫລ່ງຂ່າວກ່າວວ່າລາວຕ້ອງການຫລີກຫນີຈາກບັນຫາຊີວິດຈາກການຄົບຊ້ອນຂອງສາມີ ລວມທັ້ງສະລະສັບສົມບັດຕ່າງໆ ມູນຄ່າກວ່າ 1,000 ລ້ານດອນລາຮ່ອງກົງຫລືປະມານ 4,000 ລ້ານບາດ ແລ້ວບວດເປັນແມ່ຊີຈົນເຖິງທຸກມື້ນີ້
ຄວາມທຸກຂອງຝ່າຍຍິງເຮັດໃຫ້ແຟນໆ ຫລາຍຄົນຫມົດສັດທາໃນຕົວນັກຮ້ອງຄົນດັງ ອະດີດສະມາຊິກວົງເດາະວິນເນີ ບໍ່ເທົ່ານັ້ນການທີ່ ອລັນ ທັມ ໄປຮ່ວມການຊຸມນຸມໃຫ້ກຳລັງໃຈຕຳລວດຮ່ອງກົງ ເມື່ອປີກ່ອນ ຍິ່ງເຮັດໃຫ້ແຟນໆ ສ່ວນຫນຶ່ງແອນຕີ້ຫນັກຂຶ້ນໄປອີກ