ເສຍຊີວິດແລ້ວ ດ.ຊ.ອິນເດຍ 5 ປີ – ວັນທີ່ 26 ພະຈິກ ບີບີຊີ ລາຍງານຂ່າວເສົ້າຂອງ ດ.ຊ.ຄາເລຍ ຊາວອິນເດຍອາຍຸ 5 ປີ ຊຶ່ງເຄີຍເຂົ້າຮັບການຜ່າຕັດແຍກອອກຈາກ ດ.ຊ.ຈາກາ ທີ່ເປັນແຝດຕິດກັນ ເມື່ອປີ 2560 ລ່າສຸດເສຍຊີວິດແລ້ວເມື່ອວັນທີ່ 25 ພະຈິກ ພາຍຫລັງທີ່ທີມແພດຖະແຫລງສາເຫດການຕາຍເນື່ອງຈາກປ່ວຍດ້ວຍພາວະເຫດຕິດເຊື້ອ (sepsis)
ທີມແພດໃຫ້ສຳພາດຫນັງສືພິມ ອິນດູສະຖານໄທ ວ່າ ດ.ຊ.ຄາເລຍບໍ່ມີປັນຫາຫຍັງ ຈົນຮອດອາທິດທີ່ແລ້ວ ອາການຂອງດ.ຊ.ຄາເລຍຊຸດໂຊມລົງ “ຫ້າວັນກ່ອນ ອາການຂອງເດັກຈູ່ໆ ເຂົ້າຂັ້ນວິກິດ” ດຣ.ພູບານານັນ ມະຫາຣັດກ່າວວ່າ
ດ.ຊ.ຈາກາແລະດ.ຊ.ຄາເລຍ ຈາກຫມູ່ບ້ານແຫ່ງຫນຶ່ງໃນລັດໂອຣິສາ ທາງຕະວັນອອກຂອງອິນເດຍ ເຂົ້າຮັບການຜ່າຕັດໃຫຍ່ ຫລາຍຄັ້ງເມື່ອອາຍຸ 2 ປີ ຫລັງເກີດມາພ້ອມເສັ້ນເລືອດແລະເນື້ອເຫຍື້ອສະໝອງຮ່ວມກັນ
ທີມແພດ 30 ຊີວິດ ຜ່າຕັດແຍກແຝດຕິດກັນໃນປີ 2560 ທີ່ສະຖາບັນວິທະຍາສາດການແພດອິນເດນ (All India Institute of Medical Sciences: AIIMS) ໃນກຸງນິວເດລີ ຖືເປັນຄັ້ງທຳອິດໃນອິນເດຍທີ່ມີການຜ່າຕັດແຝດຕິດກັນທີ່ຫົວ ຫລືໃນຊື່ວິທະຍາສາດຢ່າງ craniopagus
ແຝດຕິດກັນໄດ້ຮັບການຜ່າຕັດຄັ້ງທຳອິດໃນເດືອນສິງຫາ 2561 ຈາກທີມແພດສະເພາະທາງ ແລະສາມາດແຍກຫົວອອກຈາກກັນໃນການຜ່າຕັດອີກຄັ້ງໃນເດືອນຕຸລາຂອງປີດຽວກັນ ຕໍ່ມາ ທັ້ງສອງຖືກຍ້າຍໄປວິທະຍາໄລແພດສີລາມາ ຈັນທະລາ ພັນ ຊຶ່ງເປັນໂຮງພະຍາບານລັດໃນລັດໂອລິສາເອງ
ທີມແພດເຄີຍຄາດການກ່ອນການຜ່າຕັດຄັ້ງສຸດທ້າຍວ່າ ເດັກຊາຍທັ້ງສອງມີຄວາມສ່ຽງຕໍ່ຈາກຫົວຕິດກັນ ຊຶ່ງເປັນພາວະຫາຍາກຍິ່ງໃນອັດຕາສ່ວນ 1 ຕໍ່ 3 ລ້ານການເກີດ ແລະຮ້ອຢລະ 50 ຈະເສຍຊີວິດພາຍໃນ 24 ຊັ່ວໂມງ ແຕ່ວ່າແຝດຄູ່ນີ້ເອົາຊະນະຄວາມທໍລະມານນີ້ໄດ້ ກະທັ່ງດ.ຊ.ຄາເລຍມາເສຍຊີວິດອີກ 3 ປີຕໍ່ມາ