ວັນພະຫັດ ທີ 6 ກຸມພາ 2020, ຄະນະກຳມະການສຸຂະພາບແຫ່ງຊາດຈີນ (NHC) ເປີດເຜີຍຈຳນວນຜູ້ຕິດເຊື້ອໄວຣັດໂຄໂຣນາສາຍພັນໃໝ່ທີ່ໄດ້ຮັບການຢັ້ງຢືນຜົນເພີ່ມຂຶ້ນ 3,694 ລາຍ ແລະ ຜູ້ຕິດເຊື້ອເສຍຊີວິດເພີ່ມຂຶ້ນ 73 ລາຍ ໃນວັນພຸດ (5 ກຸມພາ
ຜູ້ຕິດເຊື້ອທັງໝົດກະຈາຍຕົວຢູ່ໃນພາກພື້ນລະດັບແຂວງ 31 ແຫ່ງ ໂດຍຜູ້ຕິດເຊື້ອທີ່ເສຍຊີວິດ 70 ລາຍ ຢູ່ໃນແຂວງຫູເປີ່ຍ ເຊິ່ງເປັນສູນກາງການລະບາດຂອງໄວຣັດ ລວມທັງເທສະບານນະຄອນທຽນຈິນ ແຂວງ ເຮຍຫຼົງຈຽງ ແລະ ແຂວງກຸ້ຍໂຈວ ແຫ່ງລະ 1 ລາຍຕາມລຳດັບ
ຄະນະກຳມະການດັ່ງກ່າວລະບຸວ່າມີລາຍງານຄົນເຈັບສົງໄສເພີ່ມຂຶ້ນ 5,328 ລາຍ ຜູ້ຕິດເຊື້ອທີ່ມີອາການໜັກເພີ່ມຂຶ້ນ 640 ລາຍ ແລະ ຜູ້ຕິດເຊື້ອທີ່ໄດ້ຮັບການປິ່ນປົວຈົນດີ ແລະ ອອກຈາກໂຮງໝໍໄດ້ເພີ່ມຂຶ້ນ 261 ລາຍ ໃນວັນພຸດ (5 ກຸມພາ)
ທັງນີ້ ຈຳນວນຜູ້ຕິດເຊື້ອໄວຣັດໂຄໂຣນາສາຍພັນໃໝ່ທີ່ໄດ້ຮັບການຢັ້ງຢືນຜົນໃນຈີນແຜ່ນດິນໃຫຍ່ ທັງໝົດຢູ່ທີ່ 28,018 ລາຍ ຫາກນັບເຖິງວັນພຸດ (5 ກຸມພາ) ສ່ວນຈຳນວນຜູ້ຕິດເຊື້ອທີ່ເສຍຊີວິດທັງຫມົດຢູ່ທີ່ 563 ລາຍ
ປັດຈຸບັນຈຳນວນຜູ້ຕິດເຊື້ອທີ່ຍັງຄົງມີອາການໜັກທັງໝົດຢູ່ທີ່ 3,859 ລາຍ, ຄົນເຈັບສົງໄສທັງໝົດຢູ່ທີ່ 24,072 ລາຍ ແລະ ຜູ້ຕິດເຊື້ອທີ່ໄດ້ຮັບການປິ່ນປົວຈົນດີ ແລະ ອອກຈາກໂຮງໝໍໄດ້ທັງໝົດຢູ່ທີ່ 1,153 ລາຍ
ຂະນະທີ່ຈຳນວນບຸກຄົນທີ່ມີປະຫວັດຕິດຕໍ່ໃກ້ຊິດຜູ້ຕິດເຊື້ອ ແລະ ຖືກເຝົ້າຕິດຕາມຄວາມສ່ຽງທັງໝົດຢູ່ທີ່ 282,813 ລາຍ ໂດຍມີ 21,365 ລາຍ ໄດ້ຮັບການປ່ອຍຕົວຈາກການສັງເກດການທາງການແພດໃນວັນພຸດ (5 ກຸມພາ) ສ່ວນອີກ 186,354 ລາຍ ຍັງຢູ່ລະຫວ່າງສັງເກດອາການ
ດ້ານຈຳນວນຜູ້ຕິດເຊື້ອໄວຣັດໂຄໂຣນາສາຍພັນໃໝ່ທີ່ໄດ້ຮັບການຢັ້ງຢືນຜົນໃນເຂດບໍລິຫານພິເສດຮົງກົງ, ເຂດບໍລິຫານພິເສດມາເກົ້າ ແລະ ເກາະໄຕ້ຫວັນຂອງຈີນ ທັງໝົດຢູ່ທີ່ 21, 10 ແລະ 11 ລາຍຕາມລຳດັບ ເມື່ອນັບເຖິງວັນພຸດ (5 ກຸມພາ) ໂດຍຮົງກົງພົບຜູ້ຕິດເຊື້ອເສຍຊີວິດ 1 ລາຍ
ສ່ວນຈຳນວນຜູ້ຕິດເຊື້ອນອກຈີນປະກອບມີ: ຍີ່ປຸ່ນ 35 ຄົນ, ສິງກະໂປ 28 ຄົນ, ໄທ 25 ຄົນ, ເກົາຫຼີໃຕ້ 19 ຄົນ, ອອສເຕຣເລຍ 13 ຄົນ, ເຢຍລະມັນ, ສະຫະລັດ ແລະ ມາເລເຊຍ ປະເທດລະ 12 ຄົນ, ຫວຽດນາມ 10 ຄົນ, ຝຣັ່ງ 6 ຄົນ, ແຄນາດາ ແລະ ສະຫະລັດອາຣັບເອມິເຣດ ປະເທດລະ 5 ຄົນ, ອິນເດຍ 3 ຄົນ, ອິຕາລີ, ຣັດເຊຍ, ຟິລິບປິນ ແລະ ອັງກິດ ປະເທດລະ 2 ຄົນ ແລະ ເນປານ, ກຳປູເຈຍ, ເບລຢຽມ, ສະເປນ, ຟິນແລນ, ສະວີເດັນ ແລະ ສີລັງກາ ປະເທດລະ 1 ຄົນ