ປັກກິ່ງ, 2 ກຸມພາ (ຊິນຫົວ) -- ວັນອາທິດ (2 ກຸມພາ) ຄະນະກຳມະການສຸຂະພາບແຫ່ງຊາດຈີນ (NHC) ປະກາດຈຳນວນຄົນເຈັບພະຍາດອັກເສບປອດຈາກໄວຣັດໂຄໂຣນາສາຍພັນໃໝ່ທີ່ໄດ້ຮັບການຢັ້ງຢືນຜົນຢູ່ທີ່ 14,380 ລາຍ (ຕັດມົນຖົນແຂວງກວ່າງຕົງອອກ 1 ລາຍ) ແລະຈຳນວນຄົນເຈັບທີ່ເສຍຊີວິດຢູ່ທີ່ 304 ລາຍ ເມື່ອນັບເຖິງວັນເສົາ (1 ກຸມພາ)
ລາຍງານປະຈຳວັນຂອງຄະນະກຳມະການດັ່ງກ່າວລະບຸວ່າ ຄົນເຈັບທັງໝົດກະຈາຍຕົວຢູ່ໃນພາກພື້ນລະດັບແຂວງ 31 ແຫ່ງຂອງຈີນ, ສ່ວນໜຶ່ງເປັນຄົນເຈັບໜັກຂັ້ນວິກິດ 2,110 ລາຍ. ຂະນະຈຳນວນຄົນເຈັບສົງໄສຕິດເຊື້ອໄວຣັດ ຢູ່ທີ່ 19,544 ລາຍ. ສ່ວນຄົນເຈັບທີ່ໄດ້ຮັບການຮັກສາຈົນເຊົາດີຢູ່ທີ່ 328 ລາຍເມື່ອວັນເສົາ (1 ກຸມພາ) ພຽງມື້ດຽວ ມີລາຍງານຄົນເຈັບພະຍາດອັກເສບປອດຈາກໄວຣັດລາຍໃໝ່ 2,590 ລາຍ, ຄົນເຈັບສົງໄສຕິດເຊື້ອໄວຣັດລາຍໃໝ່ 4,562 ລາຍ ແລະຄົນເຈັບທີ່ເສຍຊີວິດລາຍໃໝ່ 45 ລາຍ ຊຶ່ງເປັນຄົນໃນແຂວງຫູເປີ່ຍທັງ 45 ລາຍ
ໃນມື້ດຽວກັນ ມີລາຍງານຄົນເຈັບອາການວິກິດ 315 ລາຍ ແລະ ຄົນເຈັບທີ່ໄດ້ຮັບການຮັກສາຈົນເຊົາ ແລະ ອອກຈາກໂຮງໝໍໄດ້ 85 ລາຍ.ຄະນະກຳມະການດັ່ງກ່າວລະບຸວ່າ ມີການຕິດຕາມຜູ້ທີ່ມີປະຫວັດຕິດຕໍ່ໃກ້ຊິດກັບຄົນເຈັບທັງໝົດ 163,844 ລາຍ ໃນນັ້ນ 8,044 ລາຍ ໄດ້ຮັບການປ່ອຍຕົວຈາກການກັກກັນເພື່ອການສັງເກດການທາງການແພດ. ຂະນະທີ່ 137,594 ລາຍ ຍັງຄົງຢູ່ພາຍໃຕ້ການສັງເກດການທາງການແພດຕໍ່ໄປດ້ານຈຳນວນຄົນເຈັບພະຍາດອັກເສບປອດຈາກໄວຣັດດັ່ງກ່າວ ທີ່ໄດ້ຮັບການຢັ້ງຢືນຜົນໃນເຂດບໍລິຫານພິເສດຮົງກົງ ເຂດບໍລິຫານພິເສດມາເກົ້າ ແລະ ເກາະໄຕ້ຫວັນຂອງຈີນ ຢູ່ທີ່ 14, 7 ແລະ 10 ລາຍຕາມລຳດັບ ເມື່ອນັບເຖິງວັນເສົາ (1 ກຸມພາ)