ເຂົ້າຊ່ວຍຊີວິດ ຫນຸ່ມລາວ ປີນສະພານລອຍ ກຣຸງເທບປະເທດໄທ(ຄລິບ)

ເຂົ້າຊ່ວຍຊີວິດ ຫນຸ່ມລາວ ປີນສະພານລອຍ ກຣຸງເທບປະເທດໄທ(ຄລິບ)

ຫນຸ່ມລາວ ປີນສະພານລອຍ ຄຽດ ບໍ່່່່່່່່່່ມີເງິນກັບມາມ້ຽນສົບອ້າຍ(ຄລິບ) ເມື່ອເວລາ 15:30 ນ. ວັນທີ່ 14 ພ.ຄ. ພ.ຕ.ອ.ທີຣະ ເຖຣະພັດ ຜກກ.ສນ.ທ່າຂ້າມ ເຈົ້າຫນ້າທີ່ຕຳລວດໃນສັງກັດ ໄດ້ເດີນທາງໄປກວດສອບເຫດ ຊາຍພະຍາຍາມກະໂດດສະພານລອຍຂ້າມຖະນົນພະລາມ 2 ຫນ້າສຳນັກງານເຂດບາງຂຸນທຽນ ຖະນົນພະລາມ 2 ແຂວງແສມດຳ ເຂດບາງຂຸນທຽນ ກຣຸງເທບມະຫານະຄອນ ພ້ອມປະສານເຈ້ົ້ຫນ້າທີ່ ສຳນັກປ້ອງກັນສາທາລະນະໄພກຣຸງເທບມະຫານະຄອນ ເພື່ອນຳເບາະລົມ ມາສະນັບສະນຸນທີ່ເກິດເຫດ

ເມື່ອເຈົ້າຫນ້າທີ່ຕຳລວດແລະອາສາສະມັກເດີນທາງໄປເຖິງ ເຫັນຊາຍ ອາຍຸປະມານ 40 ປີ ບໍ່ໃສ່ເສື້ອນຸ່ງ ສົ້ງຢີນຂາຍາວ ສີນ້ຳເງິນ ບໍ່ຖືເກີບຢືນເກາະຂອບທ່ໍ່ຫລັກດ້ານນອກສະພານລອຍລັກສະນະເປັນຕາຢ້ານ ເຈ້າຫນ້າທີ່ຂອງສຳນັກປ້ອງກັນແລະບັນເທົາສາທາລະນະໄພກຣຸງເທບມະຫານະຄອນ ແລະເຈົ້າຫນ້າທີ່ຕຳລວດໄດ້ເກັ້ຍກ່ອມປະມານ 1 ຊັ່ວໂມງແຕ່ບໍ່ເປັນຜົນ

ເຈົ້າຫນ້າທີ່ຈຶ່ງໄດ້ຮ່ວມກັນວາງແຜນ ໃຊ້ລົດຕູ້ຄອນເທນເນີ 2 ຄັນ ຈອດຄູ່ກັນໃຕ້ສະພານລອຍເພື່ອໃຫ້ລະຍະຫ່າງທີ່ຈຸດລົງພື້ນນັ້ນສັ້ນລົງ ກ່ອນອາໄສຈັງຫວະທີ່ເຈລະຈາແລະໃຫ້ນ້ຳດື່ມ ໂດດເຂົ້າເຖິງຕົວແລະດຶງຊາຍຄົນດັ່ງກ່າວມາໄດ້ຢ່າງປອດໄພ ກ່ອນນຳລົງມາສອບຖາມດ້ານລ່າງ

ຈາກການສອບຖາມທຳໄດ້ຮູ້ຊື່ຊາຍຄົນດັງກ່າວ ຊື່ ທ້າວເສັງ (ສະຫງວນນາມສະກຸນ) ອາຍຸ40 ປີ ເປັນຄົນລາວ ໂດຍສາເຫດທີ່ຄິດໂດດສະພານນັ້ນ ເກີດຈາກຄວາມຄຽດບໍ່ມີເງິນ ກັບໄປງານສົບອ້າຍທີ່ຝັ່ງປະເທດລາວ ປະກອບກັບປັນຫາເລື່ອງໂລກໂຄວິດ ເຮັດໃຫ້ບໍ່ມີລົດກັບບ້ານ

ດ້ານທ່ານນະລົງ ວໍລະໄຊ ອປພຣ.ເຂດບາງຂຸນທຽນ ບອກເລົ່າວ່າ ກ່ອນຫນ້ານີ້ປະມານ 1 ຊັ່ວໂມງທີ່ແລ້ວ ໄດ້ຮັບແຈ້ງມີເຫດຊາຍຈະກະໂດດສະພານລອຍ ຫນ້າສຳນັກງານເຂດບາງຂຸນທຽນ ຕົນຈຶ່ງມາກວດສອບ

ເມື່ອມາເຖິງກໍ່ເຫັນຊາຍ 1 ຄົນຢືນຢູ່ກາງສະພານລອຍ ກໍ່ເລີຍກັນບໍ່ໃຫ້ຄົນຂຶ້ນໄປເທິງສະພານທັ້ງ 2 ຝັ່ງ ເພື່ອບໍ່ໃຫ້ເຂົາກະໂດດລົງມາ ເພາະດ້ານລ່າງຖະນົນລົດແລ່ນເຕັມໄປໝົດຢ້ານຈະເປັນອັນຕະລາຍ ຖ້າກະໂດດລົງມາ

ແລ້ວກໍ່ພະຍາຍາມເວົ້າເກັ້ຍກ່ອມ ຖາມຫິວນ້ຳບໍ່ ບອກຫິວ ເອົານ້ຳໃຫ້ດື່ມ 2-3 ຂວດ ພໍລະະຫວ່າງທີ່ດື່ມນ້ຳ ກໍ່ເລີ້ມຫາຈັງຫວະເຂົ້າເຖິງຕົວໄດ້ເປັນຜົນສຳເລັດ ນຳຕົວລົງມາໄດ້ຢ່າງປອດໄພ

ຈາກການສອບຖາມໂອ້ລົມວ່າ ຄຽດເລື່ອງຫຍັງ ລາວກໍ່ບອກວ່າ ພີ່ອ້າຍເພິ່ງເສຍເມື່ອວານ ຖາມເປັນຄົນໄທບໍ່ ກໍ່ບອກບໍ່ແມ່ນ ເປັນຄົນວຽງຈັນ ອາດຈະຄຽດເລື່ອງຄ່າໃຊ້ຈ່າຍໃນການມ້ຽນຄາບສົບອ້າຍ ແຕ່ລາວກໍ່ບໍ່ໄດ້ເວົ້າຫຍັງຫລາຍ ເພາະຍັງມີຄວາມຄຽດຢູ່

ຈາກນີ້ລົດກູ້ຊີບຈະນຳຕົວສົ່ງ ຣພ.ເພື່ອກວດເຊັກຮ່າງກາຍອີກຄັ້ງນຶ່ງ

ສາລະໜ້າຮູ້