ເພງ ຮ່ວມໃຈຕ້ານໂຄວິດ-19 ເພງໃໝ່ອາຈານ ກິ ດາວເພັດ ໜູຫ່ວງ

ເພງ ຮ່ວມໃຈຕ້ານໂຄວິດ-19 ເພງໃໝ່ອາຈານ ກິ ດາວເພັດ ໜູຫ່ວງ

ເພງໃໝ່ລ່າສຸດເພງສຸດທ້າຍທີ່ຈະໄດ້ຟັງຂອງອ້າຍກິດາວເພັດສົ່ງກຳລັງໃຈຮ່ວມກັນຕ້ານໂຄວິດ 19 ຟັງແລ້ວນ້ຳຕາຈະໄຫຼ ແລະ ຍັງມີເພງທີ່ແຕ່ງໃຫ້ລູກຊາຍຮ້ອງຄືເພງ ວອນພໍ່ກັບມາ “ຄິດຮອດສະໄໝທີ່ໄດ້ໄປເບິ່ງຄອນເສີດຂອງ ກິດາວເພັດ ສະໄໝທີ່ຍັງເປັນໜຸ່ມ”

ເພງ ຮ່ວມໃຈຕ້ານໂຄວິດ-19 ເພງໃໝ່ອາຈານ ກິ ດາວເພັດ ໜູຫ່ວງ

ເພງ ຮ່ວມໃຈຕ້ານໂຄວິດ-19 ເພງໃໝ່ອາຈານ ກິ ດາວເພັດ ໜູຫ່ວງ

Posted by ຟັງຂ່າວ99 on Saturday, April 25, 2020

ລຸງເພັດ ຊາວແຂວງສະຫວັນນະເຂດ ໄວຍ່າງເຂົ້າ 56 ປີ ເວົ້າຂຶ້ນດ້ວຍຮອຍຍິ້ມຫຼັງຈາກທີ່ໄດ້ຮູ້ຂ່າວວ່ານັກຮ້ອງດັງ “ກິດາວເພັດ ໜູຫ່ວງ” ໄດ້ຈາກໂລກໄປແລ້ວ ໃນຂະນະນັ່ງອ່ານຂ່າວຈາກໜ້າຈໍສະມາດໂຟນຂອງຕົນເອງ “ນັກຮ້ອງໃນຕຳນານ” ໜ້າຈະເປັນຄຳສັ້ນໆທີ່ພໍຈະໃຊ້ນິຍາມຄວາມມີຄຸນນະພາບຂອງສິລະປິນທ່ານນີ້ ເຊິ່ງເປັນໜຶ່ງໃນນັກຮ້ອງເພງລາວໃນຍຸກບຸກເບີກ ທີ່ຫາກໍເຖິງແກ່ກຳດ້ວຍໄວ 48 ປີ ໃນຕອນເຊົ້າຂອງວັນທີ 24 ເມສາ 2020.

ໄລຍະຊຸມປີ 1990 ນັກຮ້ອງຄົນນີ້ມີຊື່ສຽງຫຼາຍ ຖ້າເວົ້າເຖິງວົງດົນຕີ “ໜຸ່ມໂກສິນ” ຂຶ້ນມາ ເກືອບຈະບໍ່ມີໃຜເລີຍທີ່ຈະບໍ່ຮູ້ ເພາະວົງດັ່ງກ່າວໄດ້ເດີນສາຍຈັດຄອນເສີດຕາມເມືອງຕ່າງໆ ໂດຍສະເພາະງານວັດ ງານບຸນຕ່າງໆ ເປັນທີ່ນິຍົມກັນຫຼາຍ. ໃນຍຸກທີ່ວິທະຍຸ ແລະ ເທັບຄາດເຊັດ ຫຼື ທີ່ພາສາປາກເຮົາເອີ້ນກັນວ່າ “ກະແຊັດ” ເປັນຊ່ອງທາງຫຼັກໃນການຟັງເພງ.

ລຸງເພັດກ່າວວ່າ ຄິດຍ້ອນກັບໄປຕອນນັ້ນ ຈື່ໄດ້ວ່າຟັງເພງຈາກວິທະຍຸ ແລະ ກະແຊັດ ຫຼາຍເພງທີ່ເປັນຂອງ ກິດາວເພັດ ໃນນັ້ນກໍມີເພງ ຄວາຍເສຍ, ສໍສີ ແລະ ເຫຼົ້າຂາວເຫຼົ້າລາວ ເປັນຕົ້ນ ເອກະລັກຂອງຜົນງານເພງຂອງ ກິດາວເພັດ ທີ່ກ່າວມາ 2-3 ເພງນັ້ນ ບໍ່ໄດ້ມີເນື້ອໃນທີ່ເວົ້າເຖິງຄວາມຮັກ ແຕ່ເປັນເພງທີ່ເຂົ້າຂັ້ນວ່າສະທ້ອນສັງຄົມ ດ້ວຍການນຳເອົາເຫດການ, ວິຖີຊີວິດ ຫຼື ສິ່ງຕ່າງໆທີ່ເກີດຂຶ້ນອ້ອມໂຕ

ມາເລົ່າຜ່ານສຽງຮ້ອງ ແລະ ສຽງດົນຕີ ຈາກຍຸກວິທະຍຸ-ກະແຊັດ ກ້າວໄປສູ່ຍຸກຊີດີ-ດີວີດີ ນັກຮ້ອງທ່ານນີ້ຍັງຄົງມີຜົນງານເພງອອກມາເລື້ອຍໆ. ໃນຊຸມປີ 2010 ຜົນງານເພງ “ຂີ້ໂມ້” ທີ່ຮ້ອງຮ່ວມກັບ ພິ້ງ ລັດສະໝີ

ໄດ້ຮັບຄວາມນິຍົມເປັນວົງກວ້າງ ເວົ້າໄດ້ວ່າໄປງານໃດກໍໄດ້ຍິນເພງດັ່ງກ່າວ. ຄວາມດັງຂອງເພງດັ່ງກ່າວເຮັດໃຫ້ມີການຕໍ່ຍອດໄປເປັນເພງພາກຕໍ່ໃນຊື່ “ຂີ້ໂມ້ 2” “ຫາກໍຟັງເພງ ຟ້າອຸ້ມຝົນຄືຄົນອຸ້ມນ້ອງ ຫວ່າງບໍ່ເທົ່າໃດມື້ກ່ອນ,

ຮູ້ສຶກແປກໃຈຄືກັນທີ່ເຫັນຂ່າວລາວເສຍດ້ວຍອາຍຸທີ່ຍັງບໍ່ຫຼາຍ. ເພງລາວເກືອບວ່າບໍ່ມີເພງໃດເລີຍທີ່ບໍ່ດັງ ແລະ ຖ້າລາວຍັງມີຊີວິດຢູ່ຕໍ່ ຕ້ອງມີຜົນງານຕິດຫູຄົນລາວອອກມາເລື້ອຍໆແນ່ນອນ,” ລຸງເພັດກ່າວ ຟ້າອຸ້ມຝົນຄືຄົນອຸ້ມນ້ອງ ຜົນງານທີ່ປ່ອຍອອກມາເມື່ອບໍ່ເທົ່າໃດປີກ່ອນ

ຖືວ່າເປັນອີກໜຶ່ງເພງທີ່ປະສົບຄວາມສຳເລັດສູງ ໄດ້ຮັບການຕອບຮັບເປັນຢ່າງດີຈາກແຟນເພງ ພາຍຫຼັງທີ່ປ່ອຍໃຫ້ຟັງທາງ YouTube ເມື່ອເດືອນຕຸລາ 2016 ມາຈົນຮອດປັດຈຸບັນມີຜູ້ເປີດຟັງແລ້ວຫຼາຍກວ່າ 26 ລ້ານເທື່ອ

ສາລະໜ້າຮູ້